Шымкент ЕҚДБ-ның әлемдік "Жасыл қалалар" жобасына енді

26 Шілде, 17:38
0
Шымкент ЕҚДБ-ның әлемдік "Жасыл қалалар" жобасына енді -

Шымкент қаласының әкімі  Ғабидолла Әбдірахымов Ұлыбританияның Лондон қаласында Еуропа қайта құру және даму банкінің (ЕҚДБ) штаб-пәтерінде келіссөздер өткізді, - деп хабарлайды Tengrinews.kz тілшісі.

Келіссөздер нәтижесінде ЕҚДБ-және Шымкент қаласының әкімдігі арасында "Жасыл қалалар" ірі халықаралық бағдарламасына қосу туралы өзара түсіністік туралы меморандумға қол қойылды. Осылайша, Шымкент қаласы экологиялық тартымдылығын арттыруға бағытталған жобаларды жүзеге асыру мақсатында берілетін ЕҚДБ-нің қомақты қаржылық қолдауына ие болған Қазақстандағы бірінші және әлемдегі 31-ші қала болды. Болашақ жобалардың құны - 100 миллион АҚШ доллары.

Осы бағдарлама аясында алдыңғы қатарлы экологиялық технологиялар енгізіледі; қаржылық ресурстарынан басқа ЕҚДБ, "Жасыл қала" іс-әрекет жоспарын әзірлеу және іске асыруда қолдау көрсететін болады. Сонымен бірге, инвестициялық бағдарламаларды анықтауда және қосымша инвестицияларды тартуда көмек көрсетіледі.

Келіссөздер барысында тараптар энергияны үнемдейтін лампаларды орнату арқылы қаланы жарықтандыру және тез дамып келе жатқан Шымкент қаласының барлық талаптарына жауап беретін жаңа тазарту қондырғыларын салу бойынша жобаларды қаржыландыру және оларды іске асыру мәселелерін талқылады.

Сонымен қатар, ЕҚДБ басшылығы пилоттық режимде жүзеге асырылатын, кейіннен осы тәжірибе Қазақстанның басқа ірі қалаларынатаратылуы жоспарланғанжаңа тазарту қондырғыларын салу бойынша жоба үшінәлеуетті алғашқы қала ретінде Шымкентті қарастырып отыр.

Кездесу барысында Ғабидолла Әбдірахымов жылдың аяғына дейін ЕҚДБ өкілдерін екіжақты ынтымақтастықтың кең ауқымды мәселелерін талқылауды аяқтау және Шымкент қаласының маңызды әлеуеті бар, оның ішінде экономиканың қарқынды дамып келе жатқан туризм, жеңіл және азық-түлік өнеркәсіптері секілді салаларымен танысу үшін Шымкент қаласына шақырды. 

Әлемдік "Жасыл қалалар" жобасы - ЕҚҚДБ бағдарламаларының негізгі құралы. Жоба қалалардың тұрақты дамуындағы стратегиялық мақсаттарға қол жеткізуге көмектеседі. Бұған қоса жоба аясында экологиялық проблемаларды - ауаның ластануы, жерді пайдалану, орталық жылу жүйесі, көлік кептелістері, қалдықтарды залалсыздандыру, сумен жабдықтау және кәріз жүйесі, су ресурстарын пайдалану мәселелерін шешудің инвестициялық жобалары мен іс-шаралары қарастырылған.

Сонымен бірге іссапар барысында Шымкент қаласының әкімі Ғабидолла Әбдірахымов Қазақстан Республикасының Ұлыбритания және Солтүстік Ирландия Біріккен Корольдігіндегі Төтенше және Өкілетті Елшісі Ерлан Ыдырысовпен кездесті.

Кездесу барысында тараптар британдық университетінің қатысуымен Шымкент қаласында жаңа халықаралық жоғарғы оқу орнын ашу жайын талқылады. Жоспар аясында онда IT саласы мен сәулет және дизайн, мейрамхана ісі және қонақ үй бизнесі менеджменті, сондай-ақ экономикаға қажетті мамандықтар  бойынша білім беріледі.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай