Шымкент, Жамбыл және Түркістан облыстарында түнде жер сілкінісі тіркелді

Қазақстанның оңтүстігінде түнде жер сілкінісі тіркелді, - деп хабарлайды Tengrinews.kz тілшісі.

ТЖМ мәліметінше, жер асты дүмпуі 6 қазанда Астана уақыт бойынша сағат 01:29-да Жамбыл, Түркістан облыстарында және Шымкент қаласында тіркелген.

"Эпицентрі Қырғызстан аумағында, Алматы қаласынан оңтүстік-батысқа қарай 465 шақырым жерде орналасқан. Тереңдігі - 10 шақырым. Жер сілкінісінің энергетикалық класы - 13.3, магнитудасы - 5.9", - деп жазылған хабарламада.

Ең жоғары балл мына өңірлерде тіркелген:

• Жамбыл облысы Жуалы ауданы Бауыржан Момышұлы ауылы - 4 балл;
• Жамбыл облысы Тараз қаласы - 4 балл;
• Жамбыл облысы Байзақ ауданы Сарыкемер ауылы 4 балл;
• Жамбыл облысы Жамбыл ауданы Аса ауылы 4 балл;
• Түркістан облысы Түлкібас ауданы Тұрар Рысқұлов ауылы 4 балл.

Сілтемесіз жаңалық оқисыз ба? Онда Telegram желісінде парақшамызға тіркеліңіз!