+7 (777) 001 44 99
Қазақша
Русский
English
Кеше | 09:48
Шымкент тұрғынын достары ЛГБТ қауымдастығы тобында болғаны үшін үтікпен азаптаған
Желіде Шымкент қаласының төрт тұрғыны досын азаптағаны туралы ақпарат пайда болды, - деп хабарлайды Tengrinews.kz тілшісі.
ПОДЕЛИТЬСЯ
Желіде Шымкент қаласының төрт тұрғыны досын азаптағаны туралы ақпарат пайда болды, - деп хабарлайды Tengrinews.kz тілшісі.
БАҚ мәліметінше, күдіктілер жалға пәтер алып, әлеуметтік желіде ЛГБТ қауымдастығының тобында болған досын азаптаған. Жәбірленушіге зәбір жасалған, ыстық үтікті иығына басқан, оған қоса үлкен сома бопсалап, педофилия мен дәстүрлі емес бағытын мойындауға мәжбүрлеген.
Tengrinews.kz тілшісі Шымкент қаласының қылмыстық істер жөніндегі ауданаралық сотында төрт адамға қатысты қылмыстық іс қаралғанын анықтады. Процесс жабық режимде өтті, сондықтан істің егжей-тегжейі жария етілмейді.
"Сотталушылар Ж., С., А. және М. Қылмыстық кодекстің 194-бабы 2-бөлігі 1, 2-тармақтары бойынша айыпталады ("адамдар тобының бөтеннің мүлкін зорлық-зомбылық қолдану қаупімен алдын ала сөз байласу арқылы бопсалауы").
Сотталушылардың кінәсі олардың айғақтарымен, жәбірленушінің айғақтарымен, заттай дәлелдемелермен және іс бойынша жиналған басқа да дәлелдемелермен дәлелденді", - делінген Шымкент қаласының қылмыстық істер жөніндегі ауданаралық сотының баспасөз қызметінің хабарламасында.
Жәбірленуші сотталушыларды кешірді және оларға бас бостандығынан айырылмайтындай жаза тағайындауды сұрады.
"Сотталушы М. 3 жыл 6 ай мерзімге бас бостандығынан айыру жазасы тағайындалды. Сотталушы Ж. 4 жыл 6 айға бас бостандығынан айырылды. Сотталушы С. 3 жылға бас бостандығын шектеу түріндегі жаза тағайындалды. Сотталушыға 4 жыл мерзімге бас бостандығын шектеу түріндегі жаза тағайындалды", - деп хабарлады МАҚС баспасөз қызметі.
Сот үкімі заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
