+7 (777) 001 44 99
Қазақша
Русский
English
14 қараша 2021 09:31
Шымкентте 15 жастағы босанған оқушыны үйінен қуып шыққан
Шымкентте босанған 15 жастағы мектеп оқушысын үйінен қуып жіберген. Әкесі оны отбасын масқаралады деп анасына жіберген, бірақ анасы да немересінің тәрбиесімен айналысқысы келмеген. Бұл туралы Otyrar телеарнасының сюжетінде айтылған, - деп хабарлайды Tengrinews.kz тілшісі.
ПОДЕЛИТЬСЯ
Шымкентте босанған 15 жастағы мектеп оқушысын үйінен қуып жіберген. Әкесі оны отбасын масқаралады деп анасына жіберген, бірақ анасы да немересінің тәрбиесімен айналысқысы келмеген. Бұл туралы Otyrar телеарнасының сюжетінде айтылған, - деп хабарлайды Tengrinews.kz тілшісі.
"Бала туғанына үш апта өткен соң, қыз баласымен көшеде қалды. Жарты жыл бойы оған мейірімді адамдар көмектесті. Қанша қиын болса да, баланы тастамады. Екі айдан бері жасөспірім дағдарыс орталығында тұрады", - деп хабарлады телеарна.
Гүлмира ұлын №2 қалалық перзентханада дүниеге әкелген. Дәрігерлер босанған оқушы туралы полицияға және қамқоршылық органдарына хабарлауы керек еді. Бірақ дағдарыс орталығы қызметкерлерінің айтуынша, олар олай істемеген, тіпті туу туралы анықтама да бермеген.
Қыз бала мектеп-интернатта танысқан жігіттен жүкті болып қалған, мектепке әкесі оны сіңлілерімен бірге тапсырған. Бала дүниеге келгеннен кейін жігіт қашып кеткен.
Гүлмираның айтуынша, оған дағдарыс орталығы ұнайды, онда балаға көмек көрсетіледі, бірақ қалыпты өмір сүргісі келеді.
"Өз пәтерім болғанын қалаймын, онда ұлымды, сіңлілерімді тыныш тәрбиелей аламын", - дейді жас ана.
Дағдарыс орталығында қыздың болашағы туралы жоспарлар құрылып қойған. Олар Гүлмираны колледжге оқуға жібергісі келеді. Жасөспірім бет әрлеуші болғысы, басынан өткізген қиындықтарды ұмытқысы келеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
