+7 (777) 001 44 99
Қазақша
Русский
English
05 қаңтар 2024 09:51
Шымкентте баспана алу үшін айла-шарғы жасаған полицей шенінен айырылды
Прокурорлар Шымкентте баспана алудың қылмыстық схемасын анықтады, - деп хабарлайды Tengrinews.kz тілшісі Шымкент прокуратурасына сілтеме жасап.
ПОДЕЛИТЬСЯ
Прокурорлар Шымкентте баспана алудың қылмыстық схемасын анықтады, - деп хабарлайды Tengrinews.kz тілшісі Шымкент прокуратурасына сілтеме жасап.
Көші-қон полициясы қызметкерінің 16 адамға қатысты әлеуметтік баспана алу үшін тұрғылықты тіркелу уақытына заңсыз өзгеріс енгізу дерегі анықталды.
"Жинақталған құжаттар Қылмыстық кодекстің 369-бабы 2-1-бөлігі негізінде СДТБТ-гетіркелді (құқық қорғау органының қызметкері жасаған қызметтік жалғандық) және тергеу аяқталғаннан кейін қылмыстық іс сотқа жолданды.
Сотта көші-қон полициясы қызметкерінің кінәсі толық дәлелденіп, ол "полиция майоры" шенінен айырумен 1,5 жылға сотталды", - делінген хабарламада.
Сонымен қатар, тағы 147 адамды жалған тіркеуге қою дерегіне қатысты қылмыстық іс бойынша тергеп-тексеру жалғасып жатыр.
"Қазіргі уақытта кезекке жалған тіркелу мүмкіндігін болдырмайтын және негізсіз өтініштерді сүзуге мүмкіндік беретін жаңа автоматтандырылған жүйе енгізілді", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
