Шымкентте Рысқұлов-Қонаев жолайрық құрылысы ашылды

Бүгін Шымкенттегі Д.Қонаев пен Т. Рысқұлов көшелерінің қиылысындағы жолайырық ресми түрде ашылды. Оған қала әкімі М.Әйтенов, қалалық мәслихат депутаттары, қоғам белсенділері мен БАҚ өкілдері арнайы қатысты, - деп хабарлайды Tengrinews.kz тілшісі.

Әйтенов аталған нысанның құрылысы 2020 жылдың мамыр айында басталып, техникалық сипаттамаға сәйкес 2 жыл 8 айда пайдалануға беріліп отырғанын айтып өтті.

"Естеріңізде болса, былтыр жыл соңында көлік кептелісін азайту үшін техникалық тұрғыда көлік қозғалысына рұқсат етілген болатын. Сол аралықта кеткен кемшіліктер реттеліп, түзетілді", - деді М.Әйтенов.

Жолайрық Д.Қонаев даңғылымен 1030 метр, Рысқұлов көшесімен 684,7 метр аралығын қамтиды, ені 42 метр. Жол 6 жолақтан тұрады.

Көлік өткізу мүмкіндігі тәулігіне 27775-тен 65820-ға ұлғайған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!