+7 (777) 001 44 99
Қазақша
Русский
English
05 қаңтар 2022 | 16:19
Шымкентте тәртіпсіздіктер кезінде 12 адам жарақат алды
Шымкентте 5 мыңнан астам адам қалалық әкімдіктің алаңына жиналды, - деп хабарлайды Tengrinews.kz тілшісі "Хабар 24" телеарнасына сілтеме жасап.
ПОДЕЛИТЬСЯ
Шымкентте 5 мыңнан астам адам қалалық әкімдіктің алаңына жиналды, - деп хабарлайды Tengrinews.kz тілшісі "Хабар 24" телеарнасына сілтеме жасап.
Ақпарат бойынша, қымбатшылықты ұран еткен шерудің ақыры қақтығысқа ұласып, жиналғандар әкімдіктің ішіне басып кірді. Алтыншы қабатқа дейін көтерілген жұрт терезелерді сындырып, қолына ілінген бұйымдарды бүлдірген. Компьютерлерді өздерімен бірге алып кеткен.
"Түнгі сағат 21:00-дің шамасында басталған шеру таңғы төртке қарай тоқтатылды. 12 адам түрлі жарақатпен медицина мамандарының көмегіне жүгінді. Оның төртеуі ауыр халде ауруханаға жеткізілген. Олардың барлығы - полиция қызметкерлері. Жиналған жұрттың тәртіпсіздікке бой алдыруы арандатушылықтың салдары дейді әкімдіктегілер. Себебі арнайы топ халықтың арасына ұран тастап, бүлік шығарған", - делінген "Хабар 24" сюжетінде.
Сондай-ақ, 59 полиция көлігі жарамсыз күйге түсіп, біреуі түгел жанып кетті. Наразылық білдірген белсенділер бірнеше көлікті де аударып тастағаны хабарланды. Әлі материалдық шығын толық есептелген жоқ.
"Қоғамдық тәртіпті қамтамасыз етіп тұрғандарды шабуылдай бастады. Қолдарында арматура, тас, әртүрлі құралдары бар. Сосын бір он шақты адам әкімдікке басып кірді. Алтыншы қабатқа дейін есіктерді қиратып, техникалардың бәрін бүлдіріп, құжаттарды далаға лақтырып, кейбір компьютер, ноутбуктарды өздерімен алып кеткен", - дейді қала әкімінің бірінші орынбасары Шыңғыс Мұқан.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
