Шілде айының соңында ауа райы қандай болады?

Синоптиктер 2016 жылдың 26-28 күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

"Тағы да Ресейдің еуропалық аудандарының солтүстігі мен батысынан Қазақстан аумағына атмосфералық фронттар ығысуда. Сондықтан шілдеге қарамастан  жауын-шашын республикамыздың басым бөлігінде әлі де жалғасады", - деп хабарлады синоптиктегілер.

Мамандардың айтуынша, алдағы үш күнде атмосфералық фронттардың әсерінен солтүстік және орталық облыстарда әлі де найзағайлы, өткінші жаңбыр мен бұршақ жүреді. Жаңбыр еліміздің көп бөлігінде жауады. Ал еліміздің оңтүстік пен оңтүстік-шығысында алдағы үш күнде аспан ашық болады.