Синоптиктер аяздың беті қашан қайтатынын айтты

Синоптиктер 6-8 қаңтар күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

Синоптиктердің мәліметінше, демалыс күндері Қазақстанның көптеген ауданында Сібір антициклонына байланысты суық әрі жауын-шашынсыз ауа райы сақталады.

"Ауа температурасы климаттық қалыптан 3...5 градусқа дейін төмендейді, ал республиканың шығысында әдеттегіден 7...13 градус төмен болады. Дегенмен жылы және дымқыл атлантикалық ауа күші біртіндеп батысқа, дүйсенбіге қарай, Қазақстанның солтүстік, орталық және оңтүстік өңірлеріне бірте-бірте келіп, температураның жоғарылауымен қатар  жауын-шашын алып келеді", - деді "Қазгидромет" мамандары.