Синоптиктер алдағы күндері ауа райы қандай болатынын айтты

Синоптиктер 9-11 қазан күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

Синоптиктердің мәліметінше, алдағы күндері жаңбыр қарға өтуі мүмкін.

"Алдағы үш тәулікте Ресейдің Еуропалық бөлігінің солтүстік өңірлерінен жылжитын арктикалық фронттардың ықпалымен республиканың көптеген облысында жаңбыр жауады, кейде сулы қарға ауысуы мүмкін және ауа температурасы 0 градустан төмен болады деп күтіледі. Қазақстанның оңтүстік және оңтүстік-шығысында күн суытты, мұнда да кей жерлерде жаңбыр жаууы болжанады. Бірақ жаңбырдың қарға өтуі тек тауларда ғана күтіледі", - деді "Қазгидромет" өкілдері.