Синоптиктер Астана, Алматы және тағы 6 қала тұрғындарына ескерту жасады

"Қазгидромет" синоптиктері Қазақстанның сегіз қаласының тұрғындарына ескерту жасады, - деп хабарлайды Tengrinews.kz тілшісі.

25 қаңтарда Астана, Алматы, Ақтөбе, Атырау, Өскемен, Риддер, Павлодар, Петропавл сияқты қалаларда қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді.

Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.

Сілтемесіз жаңалық оқисыз ба? Онда Telegram желісінде парақшамызға тіркеліңіз!