Синоптиктер демалыс күндері ауа райы қандай болатынын айтты

Синоптиктер 6-8 қазан күндері елімізде ауа райының қандай болатынын айтты, - деп хабарлайды Tengrinews.kz тілшісі "Қазгидромет" өкілдеріне сілтеме жасап.

Синоптиктердің мәліметінше, алдағы күндері ауа температурасы төмендейді.

"Қазақстан аумағы арқылы жылжитын суық атмосфералық фронттар алдағы үш тәулікте оның үлкен бөлігінде жаңбырға алып келеді. Ал республиканың оңтүстік-шығысындағы таулы аймақтарда арты сулы қарға ұласатын қатты жаңбыр жаууы мүмкін. Фронттардың орнына келетін антициклонмен бірге суыту да күтіледі", - деді  "Қазгидромет" мамандары.