Синоптиктер: Еліміздің басым бөлігінде жаңбыр жауып, найзағай ойнайды

Синоптиктер 2017 жылғы 23-25 мамырға арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

"Оралдың үстінде орналасқан циклонмен, полярлық және арктикалық фронттар жүйесі байланысты, олар Қазақстан аумағы арқылы жылжитын болады. Осы фронттардың әсерінен көптеген облыстардың кей жерлерінде  жаңбыр, найзағай, күшті екпінді жел мен бұршақ күтіледі", - дейді синоптиктер.

Сондай-ақ, температураның төмендеуі күтіледі екен. 24-25 мамырда ауа температурасы нормаға жуық және одан төмен болады деп болжанып отыр. Тек еліміздің оңтүстігінде және оңтүстік-шығысында ауа температурасы климаттық нормадан жоғары болады, бірақ мұнда да өткінші жаңбыр жауып, найзағай ойнайды.