Синоптиктер Қазақстанда қар түсіп, жел күшейетінін айтты

Синоптиктер ақпанның 6-8 аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

"Демалыс күндері аяздың және қардың әлсіреуіне себеп болған циклон басылуда. Оның орнына антициклон қайта оралып, кезекті суық әкелді. Температураның төмендеуі шамалы және қысқа мерзімді болады. Егер өткен аптада ауа температурасы нормадан 15-22 градус төмен болса, алдағы үш тәулікте ол нормаға жуық және 2-4 градусқа одан төмен болады. Батыс облыстарда ауа температурасы әдеттегідей нормадан 3-8 градусқа дейін жоғары болады", - делінген хабарламада.