Синоптиктер Түркістан облысында жаңбыр жауатынын хабарлады

Синоптиктер Түркістан облысында жауын-шашын болатынын айтты, - деп хабарлайды Tengrinews.kz тілшісі.

"Қазгидромет" РМК орталығының синоптикалық болжамдарына сәйкес, 2-6 мамыр аралығында Түркістан облысында жауын-шашын жауады, кей жерлерде 25 миллиметрге дейін жетеді. Осыған байланысты облыстың тау бөктерінде және таулы аудандарда су деңгейі көтерілуі мүмкін", - деп хабарлады Түркістан облысы әкімдігінің баспасөз қызметі.

Еске салайық, Өзбекстанда 1 мамырда болған жаңбыр мен дауылдан кейін Сырдария облысындағы Сардоба су қоймасы бөгеттерінің бірі жарылып кетті. Түркістан облысы әкімдігінің баспасөз қызметі берген ақпаратқа сәйкес, 2 мамыр күні сағат 04.30-да Мақтарал ауданының шекарасында коллектордан су өтіп, Жеңіс және Жаңа Тұрмыс елді мекендері су астында қалған. Мақтаарал ауданында техногендік сипаттағы төтенше жағдай жарияланды.

Қазақстан жаңалықтары. Соңғы жаңалықтар. Telegram желісінде бізге жазыл!