Сириялық оппозиция Назарбаевтан дағдарысты шешуге дәнекер болуды сұрауға ниетті

"Олардың Назарбаевтан осыны сұрайтыны белгілі, барлық қатысушылар осыған келісті. Қазақстан президенті осы мәселе бойынша Франциямен, Иранмен, Ресеймен диалог бастауы қажет", - деп мәлімдеді Әл-Афанди.

Сонымен қатар, ол келіссөздердің екінші күнінің қорытындысы бойынша қорытынды декларацияның мәтінінің келісілмегенін және талқылаудың 4 қазанға жалғасқанын айтып берді.  

Еске салайық, 2-4 қазан аралығында Астанада сириялық реттеу бойынша келіссөздердің екінші раунды өтіп жатыр. Бірінші раунд Астанада 25-27 мамыр аралығында өткен еді.