СҚО әкімдігінің қызметкері пара алды деген күдікке ілінді

Сыбайлас жемқорлыққа қарсы іс-қимыл агенттігі СҚО әкімі аппаратының қызметкері 900 мың теңге көлемінде пара алды деген күдікке ілінгенін мәлімдеді, - деп хабарлайды Tengrinews.kz тілшісі.

Солтүстік Қазақстан облысы бойынша Сыбайлас жемқорлыққа қарсы қызмет өкілдерінің мәліметінше, басқармалардың бірінің басшысының міндетін атқарушыға қатысты соталды тергеу басталды.

"Ол бұрын шарттары нақты орындалған мемлекеттік сатып алу туралы шарт жасасқаны үшін мердігер ұйым директорынан 900 мың теңге көлемінде ақшалай пара алды деген күдікке ілінді", - делінген хабарламада. 

Іс бойынша түпкілікті шешім тергеу қорытындысы бойынша қабылданады.

Видео: СҚО Сыбайлас жемқорлыққа қарсы қызметтен

Қазақстан жаңалықтары. Соңғы жаңалықтар. Telegram желісінде бізге жазыл!