СҚО-да медициналық қолғаптардың жетіспеушілігі туралы хабарламаға түсінік берілді

СҚО Денсаулық сақтау басқармасының өкілдері медициналық қолғаптардың жетіспеушілігі туралы хабарламаға пікір білдірді, - деп хабарлайды Tengrinews.kz тілшісі.

СҚО Денсаулық сақтау басқармасы қазіргі уақытта өңірдің барлық медициналық ұйымы жеке қорғаныс құралдарымен, оның ішінде қолғаптармен қамтамасыз етілгенін түсіндірді.

"Хабарламада ескі, яғни қыркүйек айындағы мәлімет жазылған, оны денсаулық сақтау басқармасының баспасөз хатшысы меморган басшылығының келісімінсіз қате жолдап қойған", - деді СҚО Денсаулық сақтау басқармасының баспасөз қызметіндегілер.

Ведомство мәліметінше, үшінші тоқсанда медициналық қолғаптар бірыңғай дистрибьютордан сатып алынды. Қазіргі уақытта қолғаптың жеткілікті қоры бар - 742 000 данадан асады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!