+7 (777) 001 44 99
Қазақша
Русский
English
15 қараша 2022 | 12:42
Сот Бақытгүл Хаменоваға қатысты істің егжей-тегжейін жариялады
15 қарашада Атыраудың №2 соты облыс әкімінің бұрынғы орынбасары Бақытгүл Хаменоваға қатысты үкім шығарды, - деп хабарлайды Tengrinews.kz тілшісі.
ПОДЕЛИТЬСЯ
15 қарашада Атыраудың №2 соты облыс әкімінің бұрынғы орынбасары Бақытгүл Хаменоваға қатысты үкім шығарды, - деп хабарлайды Tengrinews.kz тілшісі.
Бұрынғы лауазымды тұлға және Мәдениет басқармасының басшысы азамат Р-ға қатысты қылмыстық іс алдын ала сөз байласып бір топ адаммен аса ірі мөлшерде пара алды деген айыппен қаралды (ҚР ҚК-ның 366-бабы 3-бөлігінің 2-тармағы). Сондай-ақ, айыпталушы тарапта лауазымды тұлғаға қомақты сомада пара берді деген айыппен (ҚК-ның 367-бабы 2-бөлігі) ЖШС директоры да болды.
Үкім жарияланғаннан кейін сотта қылмыстық істің мән-жайы таныстырылды. Іс материалдарында 2021 жылдың қарашасында Атырау қалалық мәдениет бөлімі мен ЖШС арасында 145 000 001 теңгеге мүсін сатып алуға келісімшарт жасалғаны көрсетілген.
"2021 жылдың 4 қарашасы мен 2021 жылдың 11 қарашасында тапсырыс беруші ЖШС шотына 72 500 000 теңге сомасындағы шарт сомасының жартысы аударылған. Жауапкер Х. (Хаменова -еск.) облыс әкімінің орынбасары бола тұра және құрылыс саласына жетекшілік етіп, мәдениет басқармасының басшысы Р.-ға ЖШС директорынан бес миллион теңге көлемінде пара талап етуді тапсырған, ал ол келіскен. А. Р-ға 4,5 миллион теңге пара бергеннен кейін оларды Сыбайлас жемқорлыққа қарсы қызмет қызметкерлері ұстады. Сонымен қатар, Р., соталды тергеу органдарымен өз еркімен ынтымақтасуға ниет білдірді. Келесі күні Р. алған параны Х.-ға алып барған, ол ақшаны алған", - делінген Атырау қалалық №2 сотының баспасөз қызметі таратқан хабарламада.
Сот мәліметінше, мән-жайлар мен сотталушылардың кінәсі Р. мен А.-ның тергеу барысында берген мойындаулары, куәлардың айғақтары, тінту хаттамалары, пара беру кезінде сотталушылардың арасындағы әңгіменің жазбаларымен расталған.
Сот Бақытгүл Хаменоваға қатысты анттың бұзылуын ауырлататын мән-жай деп таныды. Жауапкершілікті жеңілдететін жағдай жас балалардың болуы. Сот шешімі бойынша, Бақытгүл Хаменова жеті жылға бас бостандығынан айырылды.
"Екі жас баланың болуына байланысты Қылмыстық кодекстің 74-бабы 1-бөлігін қолданып, үкімді орындау үш жылға шегеріліді. Сотталушы Р.-ға жеті жылға, сотталушы А.-ға төрт жылға бас бостандығынан айыру жазасы тағайындалды. Барлық айыпталушы өмір бойына мемлекеттік қызметте қызмет атқару құқығынан айырылды", - деп істі қараған судья шешімді жария етті.
Сот Бақытгүл Хаменованы "Құрмет" орденінен айыру туралы Президентке ұсыныс жасады. Соттың үкімі заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
