Сот полиция полковнигінің ұлына қатысты ақтау үкімінің күшін жойды

Ақтауда сот есірткі сатты деп айыпталған полиция полковнигінің ұлына қатысты ақтау үкімінің күшін жойды, - деп хабарлайды Tengrinews.kz тілшісі Lada.kz сайтына сілтеме жасап.

4 маусымда Маңғыстау облыстық соты облыс прокуратурасының БҚО Полиция департаменті бастығы орынбасарының ұлына қатысты арызын қарады. Соттың қылмыстық істер жөніндегі сот алқасы прокуратураның өтінішін қарап, оны толығымен қанағаттандырып, алқабилердің ақтау үкімінің күшін жойды.

"Қылмыстық іс жаңа сот талқылауына жіберілді. Сотталушы сот залында қамауға алынды", - деп хабарлады прокуратура.

Еске салайық, 15 мамырда Ақтауда алқабилер соты есірткі сатты деп айыпталған полиция полковнигінің ұлын ақтап шыққан болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!