ШҚО-да су тасу қаупіне байланысты ескерту жарияланды

Шығыс Қазақстан облысында су тасу қаупіне байланысты ескерту жарияланды, - деп хабарлайды Tengrinews.kz тілшісі "Қазгидромет" РМК-ға сілтеме жасап. 

"Алдағы 18-19 сәуірде жауын-шашын күтілуіне байланысты Шығыс-Қазақстан облысында су тасуы мүмкін, су басулар қалыптасуы ықтимал", - делінген хабарламада.

Мұның алдында ШҚО әкімі Даниал Ахметов өңірде мұздарды жару үшін 17 тонна тратил пайдаланылғанын айтқан еді. 

"Бұқтырмадағы мұздың қалыңдығы екі метрден асады. Жаруға көп күш кетті. Бірнеше сағаттан кейін су деңгейі 2,5 метрге төмендеді", - деген еді әкім.