+7 (777) 001 44 99
Қазақша
Русский
English
24 сәуір 2024 12:50
Су тасқыны кезіндегі қаржы жымқыру: жаңа мәлімет белгілі болды
Қаржы мониторингі агенттігі төрағасының орынбасары Жеңіс Елемесов су тасқыны кезінде ақша жымқыру бойынша қозғалған қылмыстық істердің жай-жапсарын айтты, - деп хабарлайды Tengrinews.kz тілшісі.
ПОДЕЛИТЬСЯ
Қаржы мониторингі агенттігі төрағасының орынбасары Жеңіс Елемесов су тасқыны кезінде ақша жымқыру бойынша қозғалған қылмыстық істердің жай-жапсарын айтты, - деп хабарлайды Tengrinews.kz тілшісі.
Елемесов агенттік төрт қылмыстық істі тіркегенін растады.
"Иә, шынында да, біздің ведомство бүгінде гидроқұрылыстар салуға бөлінген бюджет ақшасы бойынша төрт қылмыстық іс тіркелген. Аймақтар - Ұлытау облысы, Алматы облысы, Ақтөбе облысы және Қызылорда облысы. Бұл қылмыстық істердің көп бөлігі бюджет қаражатын ұрлау деректері бойынша тіркелген. Бір жағдайда - бұл бөгеттерге заңсыз қызмет көрсеткені үшін", - деді Денис Елемесов Мәжіліс кулуарында.
Ұрлықтың жалпы сомасы шамамен 1 миллиард теңге болады. Журналист нақты кімдер ұрлық жасағанын нақтылады.
"Күдіктілер - тиісті тендерлерді алған кәсіпкерлер, сонымен қатар жұмыстың аяқталуы туралы куәлікке қол қоюға қатысқан лауазымды тұлғалар бар", - деді агенттік төрағасының орынбасары.
Ол ұрланған ақшаның су тасқыны басталғанға дейін гидротехникалық құрылыстарды күтіп ұстауға бөлінгенін баса айтты. Яғни, ұрланған сомалар тасқынның салдарын жоюға бөлінген 140 миллиард теңгеге қатысы жоқ.
"Бұл бұрын Қазақстан аумағындағы гидроқұрылыстарды қолдауға бөлінген ақша. Ал қазір бөлінген ақша - 140 миллиард теңге, өз өкілетіміз шеңберінде міндетті түрде тиісті жедел-іздестіру іс-шараларын, тиісті қаржылық мониторингті жүргізетін боламыз, мұндай жағдай болмас үшін қадағалаймыз, бұл тәуекелдерді барынша азайтамыз", - деп сендірді Елемесов.
Агенттік төрағасының орынбасары Қылмыстық іс жүргізу кодексінің 201-бабына сілтеме жасап, басқа мәліметтерді бермеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
