+7 (777) 001 44 99
Қазақша
Русский
English
05 сәуір 2022 | 09:34
Су тасқыны салдарынан 800-ге жуық қазақстандық үйін тастап кеткен
Құтқарушылар бір тәулікте Ақтөбе мен көршілес Батыс Қазақстан облысының 800-ге жуық тұрғынын эвакуациялауға мәжбүр болды, - деп хабарлайды Tengrinews.kz тілшісі astanatv.kz сайтына сілтеме жасап.
ПОДЕЛИТЬСЯ
Құтқарушылар бір тәулікте Ақтөбе мен көршілес Батыс Қазақстан облысының 800-ге жуық тұрғынын эвакуациялауға мәжбүр болды, - деп хабарлайды Tengrinews.kz тілшісі astanatv.kz сайтына сілтеме жасап.
Ақтөбе-Атырау-Астрахань бағытындағы жолдың бір бөлігін еріген қар суы шайып кетті. Салдарынан қозғалыс уақытша тоқтады. Ал Батыс Қазақстан облысының кейбір аудандарында төтенше жағдай режимі әлі сақталады.
Ресми ақпарат бойынша, аймақта 113 тұрғын үй су астында қалған. Сондай-ақ, Ақтөбе облысының Байғанин, Хобдин және Ойыл аудандарындағы жолдарды су шайып кеткен. Еріген қар суы салдарынан Алға мен Қандыағаш қалаларының арасындағы жол қатынасы жабылды.
Ақтөбенің шетіндегі елді мекендерде тағы 103 үйді су басты. Зардап шеккендер үшін бес эвакуациялық пункт ашылды. Қазір ол жерде 132 адам бар.
"Түнде күйеуімнің таныстары телефон соғып су келе жатқанын, қашу керек екенін айтты. Біз тез арада қажетті заттарды, құжаттарды жинап, шығып кеттік. Үйді су басқанша үлгердік. Адамдардың айтуынша, бүгін түнде ағын қатты болған", - деді Ақтөбе қаласының тұрғыны Ақманат Бесұлақова.
Ақтөбе облысы Төтенше жағдайлар департаменті өкілдерінің мәліметінше, қазір су тасқынының шарықтау шегі болып тұр. Топырақ суық болып, суды сіңіріп үлгермей жатыр. Айтуларынша, тәулік ішінде құтқарушылар Ақтөбе мен көршілес Батыс Қазақстан облысының 800-ге жуық тұрғынын эвакуациялауға мәжбүр болған.
Батыс Қазақстан облысының төрт ауданында да төтенше жағдай жарияланды. Әсіресе, Жақсыбай ауылы бір үлкен өзенге айналған. Үйлер қирап, мал қырылып жатыр. Мектепке 300 адам орналастырылды, жақын маңдағы заставаны су басқандықтан, эвакуацияланғандар арасында шекарашылар да бар.
"Облыста құтқару жұмыстарына 755 адам, 94 техника, 9 жүзу құралы, 31 мотопомпа, 2 тікұшақ тартылды. Мамандар жағалау сызығын нығайтып жатыр. Зардап шеккендерге көмек көрсету үшін шот ашылды. Еріктілер ақша, дәрі-дәрмек, киім, азық-түлік қабылдайды. Өңірге ТЖ желісі бойынша бір жарым миллиард теңгеге жуық төлем қарастырылған", - деп атап өтті ТЖМ вице-министрі Марат Күлдіков.
Алдын ала мәлімет бойынша, су тасқыны кезінде 160-тан астам сиыр, жылқы және қой өлген. Алайда ауыл шаруашылығы министрлігі шығындарды өтемейтінін айтты, өйткені сақтандырылмаған малға өтемақы төлеу қарастырылмаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
