Су тасқынынан кейін қанша қазақстандық отбасы төлем алды?

Премьер-министрдің орынбасары Қанат Бозымбаев су тасқынынан кейін қанша қазақстандық отбасы төлем алғанын айтты, - деп хабарлайды Tengrinews.kz тілшісі.

Вице-премьердің айтуынша, су тасқынынан зардап шеккен отбасылар Қарағанды, Павлодар, Ақмола облыстары мен Абай, Ұлытау өңірлерінде толық төлем алған.

"2024 жылғы 24 маусымдағы жағдай бойынша, 33 321 отбасы 12 миллиард теңгеден астам сомаға 100 АЕК мөлшерінде біржолғы жәрдемақы алды", - деді премьер-министрдің орынбасары Үкімет отырысында сөйлеген сөзінде.

Өтемақы беру Ақтөбе, Батыс Қазақстан, Солтүстік Қазақстан, Қостанай, Атырау облыстарында жалғасып жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!