Сүйіскен кішкентай қыздардың видеосы Қырғызстанда да тексеріліп жатыр

Бішкектің Бас ішкі істер басқармасының өкілдері кәмелетке толмаған қыздар түсірілген видеоның мессенджерлерде таралу дерегі бойынша тексеріс жүргізіп жатыр, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

"Біздің қызметкерлер бұл мәліметті тексеріп жатыр. Жазбаның қайда түсірілгенін анықтап жатыр. Тексеріс нәтижесі шыққан соң ғана мәлімет бере аламыз. Видеода қазақ тіліндегі сөздер айтылған деп болжап отырмыз", - деп хабарлады Бішкектің Бас ішкі істер басқармасының өкілдері.

Еске сала кетейік, осыған дейін Астана ІІД өкілдерінің сүйіскен кішкентай қыздардың видеосын тексеріп жатқаны хабарланған болатын. "Кәмелетке толмаған екі қыз түсірілген видеоның WhatsApp мессенджерінде тарауына қатысты Астана қалалық ІІД-нің осы дерек бойынша тексеріс бастағанын хабарлаймыз. Тексеріс қорытындысы қосымша хабарланады", - деп жауап берген еді ІІМ Мемлекеттік тіл және ақпарат департаментінің директоры Алмас Сәдубаев редакция сауалхатына.