Шығыс Қазақстанда оқушылар бүгін де сабаққа бармайды

Шығыс Қазақстан облысында мектеп пен колледж оқушылары бүгін де сабаққа бармайтын болды, - деп хабарлайды Тengrinews.kz тілшісі облыстық төтенше жағдайлар департаментінің баспасөз қызметіне сілтеме жасап.

Департаменттің мәліметінше, 2015 жылғы 30 қаңтар күні Аягөз қаласында 26 градус аязға байланысты бірінші ауысымда оқитын 1-4-сынып оқушылары үшін, Қатонқарағай ауданының Үлкен Нарын ауылында температураның 33 градусқа дейін төмендеуіне байланысты бірінші және екінші ауысымда оқитын 1-9-сынып оқушылары үшін, Зырян қаласында 34 градусқа дейін аяз болуына байланысты бірінші және екінші ауысымда оқитын барлық мектеп оқушысы мен кәсіби лицейлердің 1-2-курс оқушылары үшін, Көкпекті ауданында 36 градус аязға байланысты мектептердің бірінші және екінші ауысымында оқитын мектеп оқушылары үшін (1-11-сынып) сабақтар өткізілмейді.

Сонымен бірге Зайсан қаласында бірінші ауысымда оқитын 1-4-сынып оқушылары бүгін мектепке бармайды. Зайсанда ауа температурасы 30 градус аязды көрсетіп тұр.