Шымкентте екі қабатты автобус пайда болды

Шымкентте туристерге арналған екі қабатты автобус пайда болды, - деп хабарлайды "24.kz".

ОҚО Кәсіпкерлік, индустриалды-инновациялық даму және туризм басқармасының басшысы Бауыржан Омарбековтің айтуынша, Еуропадан әкелінген бұл көлікпен қаланың тарихи орындары мен көрікті жерлерін аралауға болады. "Автобус осындай маңызды орындарды қамту үшін арнайы кестемен жүреді", - деді ол. 

Телеарнаның хабарлауынша, жолаушыларға саяхат барысында қазақ, орыс, ағылшын, француз және түрік тілдерінде қала жетістігі мен көне тарихы туралы мәліметтер айтылады. 7 жасқа дейінгі бүлдіршіндер автобуспен тегін жүре алады.