Табиғи парктердің бірінде 8 миллион теңге жымқырылған

Қазынашылық департаментінің қызметкерлері мен табиғи парк бухгалтерлері сөз байласты деген күдікке ілінді, - деп хабарлайды Tengrinews.kz тілшісі.

"Түркістан облысының прокуратурасы Қазынашылық департаментінің қызметінде заңдылықтың жүйелі бұзылатынын анықтады. Атап айтқанда, Департамент лауазымды адамдары "Сырдария - Түркістан мемлекеттік өңірлік табиғи паркі" КММ (бұдан әрі - КММ) бухгалтерлерімен келісіп, КММ қызметкерлерінің штат санын негізсіз ұлғайту арқылы 8 миллион теңгеден астам қаражат бөлді", - делінген облыстық прокуратураның хабарламасында.

Бұл дерек соталды тергеудің бірыңғай тізілімінде тіркелген. Түркістан облысы бойынша Экономикалық тергеу департаментіне істің егжей-тегжейін түсіну тапсырылды.

Прокуратура қаржы министрлігіне қадағалау актісін енгізген басқа да бұзушылықтарды анықтады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!