+7 (777) 001 44 99
Қазақша
Русский
English
07 желтоқсан 2021 | 10:47
Тағы бір қазақстандық "Әлем ханымы - 2021" байқауына қатысады
Нұр-Сұлтан қаласының тұрғыны Алтынай Мейман "Каспий теңізі ханымы" атағының иегері атанды, енді ол "Әлем ханымы - 2021" халықаралық байқауында Қазақстанның атынан қатысады, - деп хабарлайды Tengrinews.kz тілшісі.
ПОДЕЛИТЬСЯ
Нұр-Сұлтан қаласының тұрғыны Алтынай Мейман "Каспий теңізі ханымы" атағының иегері атанды, енді ол "Әлем ханымы - 2021" халықаралық байқауында Қазақстанның атынан қатысады, - деп хабарлайды Tengrinews.kz тілшісі.
Алтынай 31 жаста, екі баланың анасы. Мамандығы заңгер, осыған дейін банкте жұмыс істеген. Қазір өзін-өзі дамытумен айналысады, шешендік өнерге машықтанған, атқа мінгенді ұнатады. Ол балаларының жан-жақты дамуына бар күшін салатын аналардың бірі. Түрлі қайырымдылық жұмыстарға қатысады.
Алтынайдың сұлулық байқауларына қатысудан тәжірибесі бар. Ол 2008 жылы "Қазақстан аруы" байқауына елорданың атынан шыққан, сонымен қатар Алматыда өткен жоғары сән көрсетіліміне қатысқан.
"Мен "Әлем ханымы - 2021" сияқты ірі халықаралық байқауға қатысатыныма қуаныштымын, өйткені бұл менің бала кезгі арманым. Сонымен қатар, мен үшін байқау - мереке, жаңа таныстық, үлкен тәжірибе, тәртіптілік. Отандастарым мені қолдайды деп үміттенемін", - деді ол.
Айта кетейік, Қазақстан атынан 27 жастағы елордалық Әйгерім Әбдібекова да қатысады. Жарыс 2022 жылдың 17-26 ақпаны аралығында Сеулде (Оңтүстік Корея) өтеді.
Бір жыл бұрын әнші Қайрат Нұртастың жары Жұлдыз Әбдікәрімова "Әлем ханымы" атағын жеңіп алған болатын. Енді ол тәжді жаңа жеңімпазға тапсырады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
