Талдықорған әкімі ауруханаға түскені туралы айтты

Талдықорған әкімі Әсет Масабаев денсаулығына қатысты пікір білдіріп, ауруханаға қалай түскенін айтты, - деп хабарлайды Tengrinews.kz тілшісі.

"Бұл ескі ақпарат, ауруханаға 4-5 мамырда жатқызылдым. Қазір жағдайым өте жақсы, бәрі орнынша. Ауруханаға жату себебім ишемиялық шабуыл, микроинсульт болды. Қазір бәрі өтті, оңалту курсынан өтіп жатырмын", - деді Талдықорған әкімі.

Әкім амандығы үшін алаңдаған баршаға алғысын білдірді.

Еске салайық, бұған дейін Талдықорған қаласының әкімі Әсет Масабаев жансақтау бөліміне түскені белгілі болған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!