Талдықорғандық автобустар тегін жүретін балаларды тасымалдаудан бас тартқан

Талдықорғандықтар Халықаралық балаларды қорғау күнінде балаларды тегін тасымалдаудан бас тартқан автобус жүргізушілеріне жаппай шағымданды, - деп хабарлайды Tengrinews.kz тілшісі.

Қала билігіне автобус жүргізушілерінің үстінен ондаған шағым түскен. Жұмыс күнінің соңына қарай әкімдік парақшасында автобус жүргізушілерінің бірінің кешірім сұраған видеосы жарияланды.

"WhatsApp-тағы хабарламаларды оқымағандықтан балалардың тегін жүретіні туралы естімеппін. Бұл оқиға үшін Талдықорған халқынан кешірім сұраймын", - деді жүргізуші.

Айта кетейік, Талдықорғанда Балаларды қорғау күніне орай орталық саябақтағы аттракциондарға кіру де тегін болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!