Талдықорғанда кәсіпкермен төбелескен әкімнің орынбасары өз еркімен жұмыстан кетті

Мөлдір Қалықова

Асқар Тутубаев.

Талды?ор?ан ?кіміні? бірінші орынбасары Ас?ар Тутубаев ?з еркімен ж?мыстан кету туралы ?тініш жазды, - деп хабарлайды Tengrinews.kz тілшісі Алматы облысы ?кімдігіні? баспас?з хатшысы ?алым?рат Ж?келге сілтеме жасап.

Талдықорған әкімінің бірінші орынбасары Асқар Тутубаев өз еркімен жұмыстан кету туралы өтініш жазды, - деп хабарлайды Tengrinews.kz тілшісі Алматы облысы әкімдігінің баспасөз хатшысы Ғалымұрат Жүкелге сілтеме жасап.

Асқар Тутубаев жұмыстан кету туралы өтінішті 14 қыркүйекте жазған. 15 қыркүйекте оның өтініші қанағаттандырылған. Енді Асқар Тутубаев мемлекеттік қызметкер емес.

Экс-шенеунік қандай да бір пікір білдіруден бас тартты.

Еске сала кетейік, осыған дейін Талдықорған әкімдігінде қала әкімінің міндетін атқарушы Асқар Тутубаев пен кәсіпкер Алмасбек Садырбаевтың төбелес шығарғаны хабарланған болатын. Сондай-ақ, кейінірек Талдықорғанда төбелес шығарған шенеунік тағы бір даулы роликтің кейіпкері болғаны айтылды.