Талдықорғанда жоғалған қыздар үш күннен бері іздестірілуде

Талдықорғанда жоғалған мектеп жасындағы қыз үш күннен бері іздестірілуде, - деп хабарлайды tengrinews.kz  сайты. 

15 жастағы Нарқыз Жолдасбаева мен Айдана Қожабаевалар үйден 2014 жылдың 29 сәуірінде шығып кеткен. Бір мектепте оқитын екі қыз сабақтан кейін бірге кетіпті. Бірақ, бұдан соң, оларды ешкім көрмеген. Қалта телефондары сөндірулі тұр. 

Қыздарды іздеу үшін әлеуметтік желілер де пайдаланылуда. Олардың суреттері "ВКонтакте"-ні жайлап алды. 

Ата-аналары Талдықорған ІІД шағымданған. Жоғалғандардың жақындары егер де бұл қыздардың қайда екені туралы ақпарат білетін азаматтар болса, +7 701 413 1202, +7 707 841 85 90 нөмірлеріне немесе ІІД кезекші бөліміне (+7 7272 60 80 07) хабарлауын сұрайды.