Талғар мен Есікте із-түзсіз жоғалып кеткен екі тұрғын өлі табылды

Талғар мен Есік қалаларында із-түзсіз жоғалып кеткен ер адам мен әйел өлі табылды. Олардың өлімінің мән-жайы айтылмады, - деп хабарлайды Tengrinews.kz тілшісі LIDER.KZ еріктілерінің Instagram-парақшасына сілтеме жасап.

1972 жылы туған Досымбеков Талғат Болатұлы биыл 9 сәуірде жоғалып кеткен. Түскі уақытта ер адам Талғар қаласындағы облыстық наркологиялық диспансердің ғимаратынан шығып кетіп, қайтып оралмаған.

Есік ауылында 8 сәуірде 1951 жылы туған Панова Валентина Федоровна жоғалып кеткен. Зейнеткер Абай көшесіндегі үйден шығып кетіп, қайтып оралмаған. Әйелдің есте сақтау қабілеті нашарлағаны хабарланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!