Талғарда блогерлер мен салық қызметкерлері арасында жанжал шықты

Талғар қаласының кіреберісінде блогерлер мен салық қызметкерлері сөзге келіп қалған. Бұл оқиға YouTube-тегі LIFE KZ каналында жарияланды, - деп хабарлайды Tengrinews.kz тілшісі.

Жанар Құсайынова, Ринат Кибраев, Валерий Кудрявцев есімді блогерлер мен құқық қорғау органдары, салық қызметінің қызметкерлері және жеке сот орындаушыларының арасында жаншал шыққан.

Полиция блогерлердің көлігін тоқтатқан. Тәртіп сақшылары олардың салық берешегі бар-жоғын тексермек болған.

Кейін блогерлер полиция қызметкерлерінен борышкерлерді қашықтан анықтауға көмектесетін арнайы жабдықты қолданудың орнына өздеріне ұнайтын кез келген көлікті неге тоқтата беретінін сұраған. Бұл оқиға камераға түсірілген.

Кейін салық қызметкерлері мен жеке сот орындаушыларына камера ұнамай қалған. Олар "камераға түсірмеуді" талап еткен. Алайда белсенділер оларды видеоға түсіре берген.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!