+7 (777) 001 44 99
Қазақша
Русский
English
20 қыркүйек 2023 | 16:22
Талғарда дәрігерлер соққыға жығылған: күдіктілер уақытша ұстау изоляторына қамалды
Алматы облысының полицейлері Талғар ауруханасында дәрігерлерді соққыға жыққан екі күдіктіні ұстады, - деп хабарлайды Tengrinews.kz тілшісі. Ұсталғандар уақытша ұстау изоляторына (УҰИ) қамалды.
ПОДЕЛИТЬСЯ
Алматы облысының полицейлері Талғар ауруханасында дәрігерлерді соққыға жыққан екі күдіктіні ұстады, - деп хабарлайды Tengrinews.kz тілшісі. Ұсталғандар уақытша ұстау изоляторына (УҰИ) қамалды.
19 қыркүйекте ұсталғандар Талғар қаласының орталық аудандық ауруханасында 27 жастағы реаниматолог пен 21 жастағы медицина қызметкерін соққыға жыққан. Шабуыл жасағандардың жақын туысы ауруханада көз жұмған.
Бұған дейін әлеуметтік желіде оқиғаның видеосы пайда болған еді. Кадрлардан екі ер адам дәрігерді жұдырықпен ұрып, еденге құлатқанын көруге болады. Олар медицина қызметкерлерін ұрып-соғып, кейін марқұмның денесін алып кеткен.
Полицейлерге дәрігерлердің соққыға жығылғаны туралы хабарлама 19 қыркүйекте сағат 10:35-те түскені хабарланды.
"Жедел іздестіру іс-шаралары барысында Талғар ауданы әкімдігінің қызметкерлері 1987 жылы туған Ш. мен 1994 жылы туған Н.-ны анықтап, ұстады. Қазіргі уақытта оқиғаның барлық мән-жайын жан-жақты, толық және объектив түрде зерделеу үшін сараптама тағайындалып, жедел-іздестіру шаралары жүргізіліп жатыр", - деді Алматы облыстық Полиция департаментінің басшысы Бауыржан Әленов.
Дерек ҚР Қылмыстық кодексінің 106-бабы 2-бөлігі ("Денсаулыққа қасақана ауыр зиян келтіру") бойынша полицияға тіркелді.
Айта кетейік, анестезиолог-реаниматологтың жағдайы ауыр. Ол басынан ауыр жарақат алған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
