+7 (777) 001 44 99
Қазақша
Русский
English
25 қаңтар 2023 17:57
Талғарда оқушы миы шайқалып, ауруханаға түсті: Желіде видео пайда болды
Талғар ауданындағы білім беру мекемелерінің бірінде оқушының соққыға жығылғаны видеоға түсіп қалды, - деп хабарлайды Tengrinews.kz тілшісі.
ПОДЕЛИТЬСЯ
Талғар ауданындағы білім беру мекемелерінің бірінде оқушының соққыға жығылғаны видеоға түсіп қалды, - деп хабарлайды Tengrinews.kz тілшісі.
Видео авторының айтуынша, оқиға 20 қаңтарда Алматы облысы Талғар ауданы Талдыбұлақ ауылында болған.
"№34 мектепте жоғары сынып оқушылары бесінші сынып оқушысын соққыға жыққан. Олар алдымен мектепте, сосын көшеде ұрған. Директор, оқу ісінің меңгерушісі жедел жәрдем мен полицияны шақырмаған. Баланың анасы оны ауруханаға өзі алып барған. Бұл бірінші рет емес, бір шара қолданыңыздар. Ол үш баланың анасы, жалғыз тәрбиелеп отыр", - делінген видео сипаттамасында.
Алматы облысы әкімдігінің баспасөз қызметі Талғар ауданы Талдыбұлақ ауылындағы Әбідғұлов атындағы №34 мектептің 5-6-сынып оқушылары арасында төбелес болғанын хабарлады.
"Жарақаттанған баланың анасы полицияға арыз жазды. Қазір бала бас миы шайқалған деген диагнозбен облыстық балалар ауруханасында жатыр. Іс Талғар ауданының кәмелетке толмағандар ісі жөніндегі комиссиясының қарауына жіберілді. Мектепте түсіндіру жұмыстары жүргізілді", - деді Алматы облысы әкімінің баспасөз қызметі өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
