Талғардағы зорлау, адам өлтіру және бала ұрлау ісі: күдіктіге 11 бап бойынша айып тағылып отыр

Тергеушілер Талғарды дүр сілкіндірген оқиғаға қатысты істі аяқтады. Күдіктіге Қылмыстық кодекстің 11 бабы бойынша айып тағылған, - деп хабарлайды Tengrinews.kz тілшісі.

Үш күдікті бар, екеуі кәмелетке толмаған

Адвокат Асылбек Абдраимовтың айтуынша, ол әріптесі Жандос Палмановпен бірге іс материалдарын зеттеуді бастаған.

"Барлық қажетті тергеу әрекеті мен сараптама аяқталды. Іс танысу үшін тараптарға жіберілді", – деді адвокат.

Негізгі күдікті, Е.-ге Қылмыстық кодекстің 11 бабы бойынша айып тағылған:

• 99-бап, 2-бөлім, 7-тармақ – "Адам өлтіру, алдын ала сөз байласу арқылы адамдар тобы жасаған;";
• 125-бап, 3-бөлім, 2-1-тармақ – "Адам ұрлау, көрінеу кәмелетке толмаған адамға қатысты жасалса";
• 120-бап, 1-бөлім – "Зорлау";
• 121-бап, 1-бөлім – "Сексуалдық сипаттағы зорлық-зомбылық әрекеттері";
• 190-бап, 3-бөлім, 4-тармақ – "Алаяқтық, адамдар тобы жасаған";
• 147-бап, 5-бөлім – "Жеке өмiрге қолсұғылмаушылықты және Қазақстан Республикасының дербес деректер және оларды қорғау туралы заңнамасын бұзу";
• 149-бап, 2-бөлім – "Тұрғынжайға қолсұғылмаушылықты бұзу";
• 115-бап – "Өлтірумен қорқыту";
• 287-бап, 3-бөлім – "Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру";
• 288-бап, 1-бөлім – "Қаруды заңсыз жасау";
• 132-бап, 4-бөлім – "Кәмелетке толмаған адамды қылмыстық құқық бұзушылықтар жасауға тарту".

Іс бойынша кәмелетке толмаған А. және К-де сотта жауап береді. Оларға екі бап бойынша айып тағылған:

• 99-бап, 2-бөлім, 7-тармақ – "Адам өлтіру, алдын ала сөз байласу арқылы адамдар тобы жасаған;"
• 125-бап, 3-бөлім, 2-1-тармақ – "Адам ұрлау, көрінеу кәмелетке толмаған адамға қатысты жасалса";

Талғардағы адам өлтіру және бала ұрлау оқиғасы

Еске салайық, 6 қыркүйекте Талғар маңындағы Қызылқайрат ауылында жұртты дүр сілкіндірген қылмыс болды. Ер адам ауыл тұрғынын атып өлтіріп, оның кішкентай жиенін ұрлап кеткен. Кейінірек арнайы жасақ баланы құтқарып, анасымен қауыштырды. Күдікті ұсталды.

Сәриева оқиғаға қатысты бірнеше видео жариялап, кейбір деректерді нақтылады.

Видеода жәбірленуші Сәриеваның туған әпкесі екені, ал күдікті автосервис қызметкері екені айтылады. Бір ай бұрын ол әйелді зорлады деп айыпталған. Адвокаттың сөзінше, сол кезде полиция ешқандай шара қолданбаған. Кейін адвокат күйеуімен бірге күдіктіні ұстап, полицияға тапсырған, алайда келесі күні ол босатылған. Осыдан кейін ер адам Сәриеваның әпкесіне қоңырау шалып, қорқыта бастаған. Кейін ол әйелдің ағасының үйіне барып, оны атып өлтіріп, екі жасар баланы ұрлап әкеткен. Ағасы оқиға орнында қаза тапқан. Артында үш баласы мен жүкті әйелі қалды.

Ол баланы кепілде ұстап, полицейлер қуған кезде көлікті жардан аударып жіберген. Қыз жарақат алып, кейін оған ота жасалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!