Талғардағы зорлау, адам өлтіру және баланы ұрлау ісі: учаскелік инспектор тергеуге алынған

Талғар ауданында учаскелік инспектор қызметінен босатылып, ер адамның өлімі мен баланың ұрлану оқиғасына әкелген әрекеті үшін айыпталып отыр, - деп хабарлайды Tengrinews.kz тілшісі.

Не болған?

Алматы облысы прокуратурасының мәліметінше, учаскелік инспекторға қатысты екі бап бойынша қылмыстық іс қозғалған:

• ҚР ҚК-нің 371-бап, 2-бөлік – Абайсызда ауыр зардаптарға әкеп соққан салғырттық;
• ҚР ҚК-нің 369-бап, 2-1-бөлік – Құқық қорғау органының қызметкері жасаған қызметтік жалғандық жасау.

Прокуратура тергеудің аяқталғанын растады. Инспектор ішкі істер органдарынан 2025 жылдың 4 қарашасында, оқиғадан екі айдан аса уақыт өткен соң, жұмыстан шығарылған.

Учаскелік инспекторға тағылған айып

Жәбірленуші отбасының адвокаты Жандос Палмановтың айтуынша, 3 қыркүйекте, трагедиядан үш күн бұрын, учаскелік инспектор әйелдің үйіне шақыртумен барған. Сол күні үйге мылтық ұстаған ер адам барған.

Адвокаттың сөзінше, инспектор сол күні қорғау нұсқамасын рәсімдеп, оған жәбірленушінің жалған қолтаңбасын қойған.

"Сараптама бұл қолтаңбаның жәбірленушіге тиесілі емес екенін анықтады", – деді Палманов.

Трагедия қалай болған?

6 қыркүйекте сол ер адам әйелдің ағасын атып өлтіріп, екі сыбайласымен бірге оның екі жасар қызын ұрлап кеткен. Кейін арнайы жасақ баланы құтқарып, анасына тапсырды. Күдікті ұсталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!