"Тамаша келісім". Трамп Путин мен Сауд Арабиясының короліне алғыс айтты

АҚШ президенті Дональд Трамп мұнай өндіру көлемін азайту бойынша ОПЕК+ келісімін тамаша келісім деп атады, - деп хабарлайды Tengrinews.kz тілшісі.

"ОПЕК+ келісімі жасалды. Бұл АҚШ-тағы энергетика саласындағы жүздеген жұмыс орнын үнемдеуге мүмкіндік береді. Мен Ресей президенті Владимир Путин мен Сауд Арабиясының королі Салльманға алғыс айтып, құттықтағым келеді. Барлығы үшін керемет келісім болды!", - деп жазды Трамп Twitter желісіндегі парақшасында.

Кремльдің баспасөз қызметінің мәліметінше, Путин, Трамп және Сальман бен Әбдел Әзиз әл Сауд телефон арқылы сөйлескен.

Сондай-ақ, Путиннің Трамппен жеке сөйлескені айтылады.

Қазақстан жаңалықтары. Соңғы жаңалықтар. Telegram желісінде бізге жазыл!