Тамыз соңында Дональд Трамп Қазақстанға арнайы делегация аттандырады

АҚШ басшысы Дональд Трамп тамыз соңында президенттік делегациясын Қазақстанға аттандырады, - деп хабарлайды Тengrinews.kz тілшісі.

Америка президенті делегациясының басты мақсаты - ЭКСПО-2017 көрмесімен танысу. Делегация мүшелерінің тізімі АҚ үйдің ресми сайтында жарияланды. 

"Бүгін президент Дональд Трамп 2017 жылдың 28 тамызында Астанада "Болашақ энергиясы" тақырыбымен өтіп жатқан ЭКСПО халықаралық көрмесін көруге Қазақстан Республикасына президенттік делегация тағайындалғаны туралы жариялады", - делінген АҚ үйдің хабарламасында.