Тараз қаласына жаңа прокурор тағайындалды

Елдос Әмірхан Тараз қаласының прокуроры болып тағайындалды, - деп хабарлайды Tengrinews.kz тілшісі Жамбыл облыстық прокуратурасының баспасөз қызметіне сілтеме жасап.

"Бас прокурордың бұйрығымен Елдос Әмірхан Тараз қаласының прокуроры болып тағайындалды", - деп хабарлады ведомствоның баспасөз қызметінің өкілдері.

Елдос Әмірхан 42 жаста, прокуратура органдарында 2002 жылдан бері жұмыс істеп келе жатыр. Мұның алдында Жамбыл облысы прокуратурасында түрлі қызметтерді атқарған, Бас прокуратураның соттарында мемлекет мүддесіне өкілдік ету департаментінде, бас прокурордың аға көмекшісі қызметтерін атқарған.

2017 жылдың шілдесінен бастап Бас прокуратураның құқық қорғау қызметтері орталығында бас прокурордың аға көмекшісі қызметінде болған.