Тасжолға қонған әскери ұшақтар: Қорғаныс министрлігі мән-жайды айтты

Қазақстан Қорғаныс министрлігінің баспасөз қызметі Ақтау-Жаңаөзен тасжолына әскери ұшақтардың қонуы туралы мәлімет берді, - деп хабарлайды Tengrinews.kz тілшісі.

Бұл "Алтын Жебе" арнайы операция күші компоненттерін кешенді тексеру жұмыстары екені хабарланды.

Фото: Қорғаныс Министрлігі

"Тексеруге Құрлық әскері, Әуе қорғаныс күші және Әскери-теңіз күші бөлімшелері қатысты. Тексерудің соңғы кезеңінде Қарулы Күштер тарихында алғаш рет С-295 әскери ұшағы мен Су-27 жойғыш ұшағы Маңғыстау облысындағы тасжолдың әуеайлақ учаскесіне қонды", - деді министрліктің баспасөз қызметі өкілі.

Фото: Қорғаныс Министрлігі

Шара Құрлық және Әскери-теңіз күштерін қолдауға тартылған Әскери-әуе күші бөлімшелерінің ұтқырлығын арттыру шеңберінде өтті.

Фото: Қорғаныс Министрлігі

Айта кетейік, Маңғыстау облысында Ақтау-Жаңаөзен тасжолына әскери ұшақ қонғаны хабарланған еді. Куәгерлер ұшақтың қонған сәтін видеоға түсіріп алған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!