“Техникалық ақау“: тағы 90 блогерден салық туралы хабарлама қайтарып алынды

Мемлекеттік кірістер комитеті блогерлерге қатысты тағы бір мәлімдеме жасады, - деп хабарлайды Tengrinews.kz тілшісі.

Қаржы министрлігінің Мемлекеттік кірістер комитеті 19 ақпанда жалпы сомасы 9,8 млрд. теңгеге 93 блогерге жіберілген 169 хабарлама кері қайтарылғанын хабарлады. Бұған дейін 53,3 млрд. теңгеге 594 блогерге 1 014 хабарлама жіберілді.

"Хабарламалардың қайтарылу себебі оларды жіберу және өңдеу процесінде техникалық ақаулардың пайда болуынан орын алды. Сонымен қатар, техникалық ақаулар жойылғаннан кейін 93 блогерге қатысты хабарламалар қайта қалыптастырылатынын назарларыңызға жеткіземіз", - деп жазылған хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!