Теміртауда жоғалған бизнесмен Владимир Дашкевич табылды

Полицейлер Теміртауда жоғалған бизнесмен Владимир Дашкевичті тапты, - деп хабарлайды Tengrinews.kz тілшісі Қарағанды облыстық ІІД баспасөз қызметінің жетекшісінің міндетін атқарушы Батырхан Смайыловқа сілтеме жасап. 

"Қазіргі уақытта оның аман-есен әрі сау екенін ғана айта аламын. Жай-жапсарын дүйсенбіде хабарлаймыз", - деді Смайылов.

Еске салайық, 4 шілдеге қараған түні Теміртауда жиһаз өндірумен айналысатын 34 жастағы Владимир Дашкевич жоғалып кеткен еді. Теміртаулық бизнесменнің қайда жоғалып кетуі мүмкін екенін оның туыстары атаған еді. Кәсіпкерді бизнесі бойынша бұрынғы серіктестері қорқытып жүрген көрінеді. Олар кәсіпкердің үйіне, жұмысына келіп жүрген.