Теміртау әкімі коронавирустан айықты

Теміртау қаласының әкімі Ғалым Әшімов коронавирус инфекциясынан айықты, - деп хабарлайды Tengrinews.kz тілшісі.

"Қазіргі уақытта Ғалым Әшімовтің денсаулығына алаңдайтын себеп жоқ. Соңғы тест теріс нәтиже көрсетті. 15 маусымда жұмысқа шығуы мүмкін. Еңбекке жарамсыздық парағының мерзімі аяқталып жатыр", - деді әкімдіктегілер.

Еске салайық, әкімнің коронавирус жұқтырғаны туралы 2 маусымда хабарланған болатын. Ведомство өкілдері әкімде аурудың белгілері байқалмағанын және оның ауруханада емес, үйде оқшауланғанын айтқан еді.

Қазақстан жаңалықтары. Соңғы жаңалықтар. Telegram желісінде бізге жазыл!