Теміртаудан шығаберісте боранға байланысты 40 көлік тұрып қалды

Қарағанды – Астана тасжолында көліктер колоннасы тұрып қалды, - деп хабарлайды Tengrinews.kz тілшісі.

Қарағанды облыстық Полиция департаментінің мәліметінше, Боран салдарынан Қарағанды – Астана тасжолында, Баймырза мен Ошақанды елді мекендерінің арасында 40 автокөлік тұрып қалған.

Қазіргі уақытта барлық көлік түрлері үшін қозғалыс жабық:

• Қостанай облысы – Жезқазған – Арқалық – Петропавл автожолының 339-377 шақырымы (Арқалық қаласынан Ақмола облысының шекарасына дейін).
• Ақмола облысы – Жезқазған – Арқалық – Петропавл автожолының 377-440 шақырымы (Қостанай облысының шекарасынан Державинск қаласына дейін).
• Сондай-ақ 856-1230 шақырым аралығында Астана – Қарағанды – Алматы автожолы (Солтүстік Қазақстан облысының шекарасынан Қажымұқан ауылына дейін).

Жолдың болжамды ашылу уақыты – 14 ақпан, 07:00.

• Қарағанды облысы – Қызылорда – Жезқазған – Қарағанды – Шідерті автожолының 970-1135 шақырымы (Қарағанды қаласынан Павлодар облысының шекарасына дейін).
• Павлодар облысы – Қызылорда – Жезқазған – Қарағанды – Шідерті автожолының 1135-1206 шақырымы (Қарағанды облысының шекарасынан Шідерті ауылына дейін).

Жолдың болжамды ашылу уақыты – 14 ақпан, 08:00.

Сілтемесіз жаңалық оқисыз ба? Онда Telegram желісінде парақшамызға тіркеліңіз!