+7 (777) 001 44 99
Қазақша
Русский
English
01 шілде 2019 | 17:51
Теңіздегі тәртіпсіздіктер: Ноғаев Иордания, Палестина және Ливан елшілерімен кездесті
Бүгін Атырау облысының әкімі Нұрлан Ноғаев Иордания елшісі Юсуф Абдулгани, Ливан Жискар әл-Хури және Палестина Елшісі Монтасер Абу Зейдпен кездесті. Тараптар Теңіз жұмыс кентінде болған оқиғаны талқылады, - деп хабарлайды Tengrinews.kz тілшісі Атырау облысы әкімінің баспасөз қызметіне сілтеме жасап.
ПОДЕЛИТЬСЯ
Бүгін Атырау облысының әкімі Нұрлан Ноғаев Иордания елшісі Юсуф Абдулгани, Ливан Жискар әл-Хури және Палестина Елшісі Монтасер Абу Зейдпен кездесті. Тараптар Теңіз жұмыс кентінде болған оқиғаны талқылады, - деп хабарлайды Tengrinews.kz тілшісі Атырау облысы әкімінің баспасөз қызметіне сілтеме жасап.
Әкімдіктегілердің мәліметінше, Атырау облысының әкімі қазір Теңіз қалашығында ахуал тұрақты екенін, 30-дан аса адамгың жеңіл жарақат алғанын, өмірлеріне қауіп жоқ екенін айтты.
"Атырау облысы әкімінің бірінші орынбасары жетекшілік ететін ведомствоаралық комиссия құрылды, комиссия оқиғаның себеп-салдарын анықтайтын болады. Біздің тарапымыздан осындай оқиғаларды алдағы уақытта болдырмау мақсатында барлық шаралар қолға алынады. Теңіз жобасына тартылған жұмысшылардың өмірлері мен денсаулықтарына қауіп жоқ, бұл мәселе біздің назарымызда", - деді Нұрлан Ноғаев.
Елшілер оқиғаның тұрмыстық сипатта екенін және болашақта мұндай жағдайлардың қайталанбауы үшін барлық күштерін салатындарын атап өтті.
"Бұл жағдай сіздер үшін де, біз үшін де өте ыңғайсыз болды. Бұл проблема Палестина мен Қазақстанның тарихи қарым-қатынасына сызат түсірмеуін қалаймыз. Біздің басшылығымыз бен Палестина халқы Қазақстанның Тұңғыш Президенті Нұрсұлтан Назарбаевтың сарабдал саясатын, араб-израиль жанжалына қатысты қауіпсіздік кеңесінің, бас ассамблея, БҰҰ-ның барлық резолюцияларын қолдағанын жоғары бағалайды. Болған жайттар біздің қарым-қатынасымызға кері әсерін тигізбейді. Біз ортақ тіл табыстық, жақында ССС компаниясының иесі Қазақстандағы жұмыс пен ынтымақтастықты жалғастыру жөнінде сөйлесу үшін облыс әкімімен кездесуге келеді", -деді Палестинаның ҚР-дағы елшісі, доктор Монтасер Абу Зейд.
"Теңіз кен орнында болған оқиға кең пейіл, қонақжай қазақ халқының көңіліне көлеңке түсірмейді деген ойдамыз. Иордания мен Қазақстан арасындағы әріптестік жоғары деңгейде. Біз жұмысшыларымыздың көп кешікпей жұмыс орындарына оралатындарына сенім білдіреміз. Қазақстан Үкіметі бұл мәселеде бізге қолдау көрсетіп отыр", - деді Иорданияның ҚР-дағы елшісі Юсуф Абдулгани.
Ливанның ҚР-дағы елшісі Жискар Әл-Хури де Ливан мен Қазақстанның достығы берік екенін айта отырыпа, кез келген мәселені ашық шеше алатындарын айтады.
"Біз бұл жерге әлеуметтік желілерде жазылып жатқандай азаматтарымыздың Қазақстаннан кетуін сұрап келген жоқпыз. Ливан мен Қазақстанның достығы берік, біз кез келген мәселені ашық шеше аламыз. Бұған әкіммен кездесуіміз де мысал бола алады. Осы тақырыпты бірге талқылай алғанымыз үшін әкімге және әкімдіктің ресми өкілдеріне ризашылығымызды білдіреміз", -деді Ливанның ҚР-дағы елшісі Жискар Әл-Хури.
Еске салайық, 29 маусымдаТеңіз мұнай кен орнында WhatsApp-тағы сурет үшін тәртіпсіздіктер болған еді, "Сohsolited Contracting Endihering and Prourement s.a. L Offshore (ССЕР)" компаниясының жұмысшылары жұмыс учаскесіне жиналып, Ливия азаматы Eli Daoud-тың жақында жариялаған суретіне қатысты наразылықтарын білдірген болатын.
Теңіздегі тәртіпсіздіктер: Бірнеше жұмысшы жарақат алды
Показать комментарии
Читайте также
