Тобыл өзенінен бір апта бұрын жоғалған әйелдің денесі табылды

Қостанайға кіреберістегі Тобыл өзенінен бір апта бұрын жоғалып кеткен әйелдің денесі табылды, - деп хабарлайды Tengrinews.kz тілшісі.

35 жастағы Қостанай тұрғыны 22 қыркүйектен бері іздеуде болған. 

"Осы дерек бойынша полицейлер жедел-іздестіру шараларын бастады. Бүгін сағат 08:25-те 102 пультіне Үлкен көпір маңындағы өзенде әйелдің мәйіті болуы мүмкін екені туралы хабарлама түсті", - делінген хабарламада.

Өлімнің себебін сот-медициналық сараптама анықтайтын болады. Соталды тергеу аясында өлімнің мән-жайы анықталады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!