Тоқаев Алматыға келді - баспасөз хатшысы

Президент Қасым-Жомарт Тоқаев Алматыға келді. Ақпаратты Мемлекет басшысының баспасөз хатшысы Берік Уәли растады, - деп хабарлайды Tengrinews.kz тілшісі.

"Президент Алматыда екенін растаймыз. Ол Алматыда өткен жедел штаб отырысына қатысты. Сондай-ақ, қаза болған полиция қызметкерлері, әскери қызметшілердің туыстары мен жақындары қатысқан кездесу өтті. Президент көңіл айтып, наградалар табыстады", - деді Берік Уәли.

Баспасөз хатшысының айтуынша, Мемлекет басшысы жедел басқару орталығында жатқан зардап шеккендерге барып, олардың жағдайын білген.

Айта кетейік, әлеуметтік желі қолданушылары Алматыны аралап жүрген кортеж түсірілген видеоны жариялап жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!